Vaaki vale Phumla Mqashi va kombisa ku vilela hi xiphiqo xa mati

SABC News yi vika leswaku vaaki vale Phumla MQAShi, ekusuhi na Lenasia, va vula leswaku va ta ya emahlweni na ku kombisa ku vilela ku kondza ku lulamisiwa xiphiqo xa mati endhawini leyi. Leswi swi endleka endzhaku ka loko vaaki va teke mhaka leyi va yi yisa eswitarateni endzhaku ko pfumala mati ku ringana masiku yo tala.

Swirho swa vaaki swi pfale gondzo lerikulu ra eJoni hi maribye, swi sindzisa vachayeri va mimovha ku tirhisa tindlela tin’wana.

Va khome na tibodo leti tsariweke leswaku “hina Vaaki hi lava mati” vaaki vale Phumla MQashi va vula leswaku a va lavi ku nyiketa memorandamu ya vona ya swivilelo ehofisini ya meyara, tani hi leswi yi tsandzekeke ku va hlamula khale.

Murhangeri wa vaaki, Jeffrey Mphohoni u vula leswaku va lava vayimeri ku suka eka Department of Water and Sanitation ku ri va amukela swivilelo swa vona.

Hambiswiritano, xitirhisiwa xa mati xi nyikele hi mathangi ya mati yo tlula 50 endhawini yoleyo. Kambe vaaki va vula leswaku mathangi lawa a ya enelanga eka vaaki hinkwavo.

Translator : Mapula Glashy Makoto